Белгилүү болгондой, өлкөдө сотторго ишеним төмөндөп кеткен. Бул биринчи кезекте судьянын адилетсиздигине байланыштуу. Муну түшүнгөн мамлекет жетекчилиги бүгүнкү күндө сот реформасын активдүү жүргүзүүдө. Бул тууралуу академик Чолпонкул Арабаев NazarNews маалымат агенттигине берген маегинде билдирди. Анын айтымында, президент Садыр Жапаровдун сот тармагынын өкүлдөрү менен акыркы жолугушуусунда «Адилет сот системасы» негизги талкууга алынган.

"Азыр соттордун айлыгы көтөрүлдү. Иштерди бөлүштүрүүдө автоматташтыруу активдүү колдонулат. Ага чейин, белгилүү болгондой, соттор арасында иштер бирдей эмес бөлүштүрүлүп келген. Мындан тышкары, судьяларды ротациялоонун эффективдүү рычагы колдонулат. Бул орун алган бир катар көйгөйлөрдү айланып өтөт. Маселен, судья бир аймакта көптөн бери иштеп жүрүп, акыры ал жактан таанышып, байланыш түзүп, мунун баары, албетте, ишти кароодо анын көз карандысыздыгына түздөн-түз таасирин тийгизет. Бул жагынан алып караганда, ротация адилеттүү калыстыкка жетишүү үчүн абдан эффективдүү. 

Албетте, ротация жаңы аймакка дайындалган соттордун жашаганга, балдарын мектепке алып барууга ж.б.у.с. бир катар көйгөйлөрдү жаратышы мүмүкүн. Буга байланыштуу президент алар үчүн үйлөр курула турганын белгиледи. Бул абдан туура чечим жана ал колдоо табуу керек. Райондордо жана облустарда судьяларды турак жай менен камсыз кылуу судьянын "кайда жашайм?" жана "кандай болуу керек?" деген түйшүгү менен эмес, өз иши менен гана алектениши үчүн болушу керек", - деп белгиледи эксперт.

Булак: NazarNews.kg