Чыңгыз Абдымомунов аттуу активист саясатчы Исмаил Исаковду саткын, канкор жана ОБОНчу генерал деп атады. Бул тууралуу маалыматты apta.kg сайты Чыңгыз Абдымомуновдун сөзүнө таянып жазып чыкты. 

Ал И.Исаковго кайрылуу жасап, "сенин эки бутуңду бир өтүккө тыкпасам, атымды башка коём" - деген.

Активист ошондой эле, 2010-жылдагы июнь коогалаңы боюнча Убактылуу өкмөттү айыптап, президентке кайрылган. Анда "булар жок кызматты ачып, ОБОНчу генералды түштүк региондун куратору кылып коюп алышкан. Ал сеператисттер менен тыгыз мамиле түзүп, жыйынтыгында, миңдеген адамдар өлдү", - деп кошумчалаган. 

Аны менен бирге дүйшөмбү күнү Жогорку Сотко, Башкы прокуратурага жана УКМКга арыз менен кайрылып жатышканын билдирди.

Булак: NazarNews.kg