Дайынсыз жоголгон 19 жаштагы Жанарбек кызы Аселдин жансыз денеси табылды. Бул тууралуу Чүй ОИИББ билдирди. Буга чейин маркумдун туугандары Ысык-Ата РИИБге арыз менен кайрылып, Асел 15- февралга караган түнү үйдөн чыгып кеткен боюнча байланышка чыкпай калганын айтышкан.

Милиция кызматкерлери да, Өзгөчө кырдаалдар министрлигинин куткаруучулары да издөө иштерине тартылган.

Бүгүн, 18-мартта милиция кызматкерлери Аселдин сөөгүн Чоң Чүй каналынан табышты. Жансыз дене өлүкканага жеткирилди. Тергөө уланууда.

Буга чейин Асел өткөн жылы декабрда турмушка чыкканы белгилүү болгон. Ал апасына аудио билдирүү жөнөтүп: «Мен өзүмдү өлтүрөм. Жашабайм. Менин өлүмүмө А. күнөөлүү», - деп айткан. Ошондой эле Аселдин кийимдери Чоң Чүй каналынын жээгинен табылганы айтылган.

Булак: NazarNews.kg