Делегат: Балыкчы шаарынын 5 мэрин кубалагам

Журналист: АЙСУЛУУ ТАЛАНТ

26.11.2022, 12:37

21844

коом

Бийлик Балыкчы шаарын таптакыр унутуп калды, деп билдирди 26-ноябрда элдик курултайдын делегаты Зарылкан Кыдырмышева.

Ал белгилегендей, республикада кадр саясатын оңдоо керек. «Министрлердин дарегине көп арыздар түшүп жатат, анткени жер-жерлерде жумушуна кайдыгер мамиле жасаган адамдар иштейт. Айыл өкмөттүн, райондун, мэриянын деңгээлиндеги маселелерди ушул жерде сүйлөшүп, президентке кат жолдоп жатабыз», - деди ал.

Делегат шаарды башкаруу мамлекеттин көзөмөлүнөн чыгып кеткенин билдирди. «Баары мэрлер, депутаттар аркылуу чечилди. Балыкчы шаарынын 5 мэрин кубалагам, акыркы мэрибиз Алмаз Мамбетов азыр Ошто иштеп жатат. Аны мен да ушул жерден көрүп турам, тойлордон калбайт. Биздин кадр алмашпайт, мэр гана алмашат. Канчалык «таза» мэр болбосун, аны да коррупцияга үйрөтүшөт. Алар прокуратура, укук коргоо органдары менен биргеликте иш алып барышат Аларга эч ким эч нерсе айта албайт», - деп кошумчалады ал.

Булак: NazarNews.kg