Парижде өтүп жаткан Олимпиада оюндарында кыргызстандык спортчу Денис Петрашов 27-июлда 100 метр аралыкка сууда сүзүү боюнча мелдешке катышып, бирок жарым финалга чыга алган жок.

Мелдешке жалпысынан 36 спортчу катышып, алар алдын ала этапта 5 топко бөлүнгөн.

Петрашов бешинчи жарышта өз күчүн сынап, 1 мүнөт 0,42 секунд көрсөткүч менен 8-орунду ээледи.

Жыйынтыгында, ал 36 спортчунун арасынан 23-орунду ээлегени менен жарым финалга чыга алган жок.

Белгилей кетүүчү нерсе, 30-июлда Петрашов 200 метрге брасс стилинде сүзүү боюнча мелдешке чыгат.