Жогорку Кеңештин депутаты Ирина Карамушкина парламенттин жыйындарына эмне себептен катышпай жатканы боюнча түшүндүрмө берди. Бул тууралуу ал ЖМКларга өзү билдирди.

Эл өкүлүнүн айтымында, ал жумасына үч жолу сотко барат. Ошондой эле депутаттык милдетин аткарып, шайлоочулар менен жолугушууларды улантууда.

«Мен сот отурумдарына жумасына үч жолу катышам. Жээнбековдун бийлиги мени ушул нерсеге түрттү. Мен эл менен иштейм, митингдерге катышам, көптөгөн шаарлардын тургундары менен жолугушам», – деди Карамушкина.

Ошондой эле ал маяна алганын, бирок анын көпчүлүгү кызыл зонанын дарыгерлерине жана кайрымдуулукка жумшалаарын кошумчалады.

Булак: NazarNews.kg