ДССУ COVID-19дун жаңы штаммы боюнча чукул жыйын өткөрөт

Журналист: МЭЭРИМАЙ АЛЫБЕКОВА

26.11.2021, 15:22

21098

дүйнө жүзүндө

Дүйнөлүк Саламаттыкты сактоо Уюму (ДССУ) Түштүк Африкада жана Ботсванада табылган тез жайылып жаткан COVID штаммын талкуулоо үчүн жума күнү шашылыш жыйын өткөрөт, деп билдирди Financial Times өз булактарына таянуу менен.

Буга чейин Daily Mail басылмасы Улуу Британиянын окумуштуулары Ботсванада 32 мутацияны камтыган коронавирустун штаммы пайда болгонун эскерткенин кабарлаган. Көптөгөн мутациялар анын жугуштуулугун жана вакциналарга туруктуулугун көрсөтүп турат, штамм башка бардык COVID-19 варианттарына караганда спик протеининде көбүрөөк өзгөрүүлөргө ээ.

Кийинчерээк Түштүк Африканын Улуттук Жугуштуу Оорулар Институту да жаңы штамм Түштүк Африкада табылганын, бүгүнкү күнгө чейин 22 учур катталганын тастыктады.

«Жолугушуу жума күнү болот, маселе менен тааныш адамдардын айтымында, анда B.1.1.529 SARS-CoV-2 деп аталган түрү талкууланат», - деп жазат гезит.

ДССУнун эксперттери бул вариантты «коопсуздандыруучу» же «кызыктуу» деп эсептеш керекпи деген маселени талкуулашат.

Булак: NazarNews.kg