Америкалык ойлоп табуучу-ишкер Илон Маск дүйнөнүн эң бай адамдарынын тизмесин баштап, бул жагынан Фейсбуктун негиздөөчүсү Марк Цукербергден ашып өттү. Бул тууралуу Bloomberg агенттиги билдирди.

Эксперттердин айтымында, Tesla жана SpaceX компаниясынын негиздөөчүсүнүн байлыгы дүйшөмбү күнү 111,3 миллиард доллардан ашты.

Эсептөөлөр боюнча, Маск 110,5 миллиард долларлык активдери бар Фейсбуктун негиздөөчүсүнөн ашып түштү.

125 миллиард доллар менен экинчи орунда АКШдагы Майкрософт компаниясынын негиздөөчүсү Билл Гейтс, биринчи орунда дүйнөдөгү эң ири онлайн сатуучунун негиздөөчүсү Джефф Безос турат. Bloomberg анын байлыгын 200 миллиард долларга баалаган.

Bloomberg маалымдагандай, Масканын байлыгынын өсүшүнүн негизги себеби Тесла акцияларынын баасынын кескин көтөрүлүшү болгон.

Агенттик компаниянын акциялары жыл башынан бери 475 пайызга көтөрүлүп, компаниянын негиздөөчүсү 76 миллиард долларга бааланган деп эсептейт.

Тесла 2003-жылы Маск тарабынан негизделген. Башында ал Tesla Motors деп аталып, кийин Tesla деп аталып калган.

Башында компания электромобилдерди чыгарууга гана адистешкен, кийинчерээк күн батареяларын жана башка энергияны сактоочу тутумдарды түзө баштаган.

Рушанабону Султонова, Ташкент

Булак: NazarNews.kg