Американын «The CEOWORLD magazine» бизнес журналы дүйнөдөгү эң таасирдүү өлкөлөрдүн рейтингин жарыялады. Бул рейтинг 2021-жылга тиешелүү.

Тизмени түзгөндө 11 себеп — аскердик күч, эл аралык альянс, өлкөнүн жетекчилигине болгон урмат-сый, эл аралык соода жана саякат, экономикалык кубаттуулук, маданият, дипломатиялык таасир, глобалдык диаспоралар, жалпыга маалымдоо каражаттарынын таасири, муктаждарга жардам көрсөтүү жана башка дүйнө менен байланыш эске алынган.

Тизмеге жалпы 57 өлкө кирди. Изилдөөнүн авторлорунун айтымында, алдыңкы 10 өлкөнүн катарын АКШ, Кытай, Россия, Германия, Франция, Улуу Британия, Япония, Индия, Италия жана Израиль ээлеген.

Ал эми акыркы орундарга Румыния (55-орун), Пакистан (56-орун) жана Словакия (57-орун) жазылды.

Булак: NazarNews.kg