Евробиримдиктин лидерлери Орусиядан мунай импорттоого жарым-жартылай тыюу салуу боюнча макулдашты. Бул тууралуу Еврокеңештин төрагасы Чарльз Мишель Twitter баракчасына жазды.

#Unity

Agreement to ban export of Russian oil to the EU.

This immediately covers more than 2/3 of oil imports from Russia, cutting a huge source of financing for its war machine.

Maximum pressure on Russia to end the war.

#EUCO

— Charles Michel (@eucopresident) May 30, 2022

Анын айтымында, санкциялардын алтынчы пакетинин алкагындагы келишим Орусиядан мунай импорттоонун үчтөн эки бөлүгүнө дароо кесепетин тийгизет.

Ошондой эле ал Евробиримдиктин алтынчы санкциялык пакети башка чараларды да камтый турганын кошумчалады. Мисалы, Сбербанкты SWIFT системасынын ажыратуу, ЕБ аймагында россиялык үч телеканалды көрсөтүүгө тыюу салуу жана жеке санкциялар.

Орусияга каршы санкциялардын алтынчы пакети расмий макулдашуу жана бекитүү процедурасынан өтүшү керек.

Кечээ, 30-майда башталган ЕБ мамлекеттеринин башчыларынын Брюсселдеги кезексиз саммити бүгүн да уланат. Алар Орусияга карата чектөөлөрдү да талкуулашмакчы. Европа мамлекеттери бир айга жакын убакыттан бери РФке салынуучу санкциялардын алтынчы пакетин макулдашып, беките албай келишет. Анда мунай заттарына жарым-жартылай же толук эмбарго коюу маселеси бар.

Бирикменин кээ бир мамлекеттери, тагыраагы, Венгрия мындай чечим өз экономикасына тескери таасирин тийгизет деп чочулап, жогорудагы чечимдин кабыл алынышына блок коюп келет.

Булак: NazarNews.kg