Жогорку Кеңештин мурдагы депутаты Шайлообек Атазов учурда Таиландда өтүп жаткан муай-тай (тай боксу) турнирине катышууда. 45 жаштагы Шайлообек Атазовдун башкы атаандашы болуп Таиланддын өкүлү Чиангкван Паномтед болмокчу.

Алардын беттеши 29-августта Бишкек убактысы боюнча саат 16:00дө болот. Турнир өзү муай-тай боюнча эл аралык бокс федерациясынын колдоосу астында өтүп жатат.

Белгилей кетсек, Шайлообек Атазов кесипкөй боксчу, ал 2006-жылы кикбоксинг боюнча дүйнө чемпиондугун, андан кийин дагы бир катар эл аралык мелдештерди жеңген.

Ал быйыл жазында соттун чечими менен мандатынан ажыратылган.