Бишкектин Биринчи май райондук соту Жанарага (аты өзгөртүлдү) карата чечим чыгарды. Токтомдогу маалымат боюнча, ал порнографияны жайылтканы үчүн айыпталган.

Жанара 2020-жылы Исанов көчөсүндө жайгашкан көп кабаттуу элиталык үйдөгү батирде студия ачкан. Аны компьютер жана башка керектүү буюмдар менен жабдыган. Ал жерден веб-камера аркылуу Америка жана Европадагы кардарларга кызмат көрсөтүп турган.

Жанара сотто күнөөсүн мойнуна алды. Жыйынтыгында Жоруктар кодексинин 130-беренеси (порнографиялык предметтерди жайылтуу) менен күнөөлүү деп табылып, 30 миң сом айып салынды. Ошондой эле, интернет аркылуу маалымат таратуу укугун 6 айга чейин пайдалана албайт.

Булак: NazarNews.kg