Энергетика министринин жаңы орун басарлары дайындалды. 

Министрлер кабинетинин төрагасы Адылбек Касымалиевдин буйругу менен Маратбеков Бекнур Маратбекович жана Парханов Мирлан Абдивалиевич министрдин орун басарлары болушту.

Бекнур Маратбеков

2008-2013-жылдары Б. Ельцин атындагы Кыргыз-Россия славян университетинин экономика факультетинде электр энергетикасы ишканаларындагы экономика жана башкаруу адистиги боюнча окуган.

Иш тажрыйбасы:

2015-2017-жылдар — «Юнисон Групп» коомдук фондунун энергетика маселелери боюнча долбоордук кеңешчиси;

2017-2018-жылдар — «Зеленый Горизонт» ЖЧКсынын коммерциялык директору (энергия үнөмдөөчү технологиялар);

2018-2020-жылдар — Өнөр жай, энергетика жана жер казынасын пайдалануу мамлекеттик комитетинин Энергиянын кайра жаралуучу булактарын өнүктүрүү жана энергияны үнөмдөө секторунун башкы адиси, сектор башчысы;

2020-жыл — «Улуттук энергетикалык холдинг» ААКтын стратегиялык пландоо башкармалыгынын стратегиялык өнүктүрүү боюнча эксперти;

2020-2022-жылдар — Министрлер кабинетине караштуу Климаттык каржылоо борборунун энергетика маселелери боюнча кеңешчиси, долбоор жана программаларды баалоо боюнча адис;

2022-2025-жылдар — Жогорку Кеңештин Отун-энергетикалык комплекс, жер казынасын пайдалануу жана өнөр жай саясаты боюнча комитетинин эксперти, бөлүм башчысынын орун басары.

Мирлан Парханов

Билими:

2006-2011-жылдар — В.С. Черномырдин атындагы Москва мамлекеттик ачык университети. Адистиги: уюмдун менеджменти.

2019-2021-жылдар — КР Тышкы иштер министрлигинин Казы Дикамбаев атындагы Дипломатиялык академиясы, эл аралык мамилелер багыты боюнча магистр даражасы.

Кошумча билим: КР Президентине караштуу Мамлекеттик башкаруу академиясынын «Мамлекеттик саясатты талдоо» темасы боюнча квалификацияны жогорулатуу.

Класстык чини: Мамлекеттик кызматтын III класстагы кеңешчиси.

Иш тажрыйбасы:

2023–2026-жылдар — Кыргыз Республикасындагы «Consult Invest ITIC» эл аралык соода-инвестициялык компаниясынын башкы директору;

2023–2025-жылдар — Кыргыз Республикасындагы ШКУ өлкөлөрүнүн технология трансфери боюнча Кытай борборунун өкүлчүлүгүнүн жетекчиси;

2022–2023-жылдар — «Кыргызалтын» ААКтын чечимдердин аткарылышын, стратегиянын ишке ашырылышын жана кадр саясатын көзөмөлдөө башкармалыгынын башчысы;

2022–2022-жылдар — Бишкек шаарынын мэриясынын Маданият, спорт, туризм жана жаштар менен иштөө департаментинин директору;

2021–2021-жылдар — Шайлоо жана референдум өткөрүү боюнча борбордук комиссиясынын төрагасынын кеңешчиси;

2016–2020-жылдар — Жаштар иштери, дене тарбия жана спорт мамлекеттик агенттигинин директорунун орун басары, директордун милдетин аткаруучу;

2015–2016-жылдар — вице-премьер-министрдин жардамчысы;

2012–2015-жылдар — Президенттин аппаратынын социалдык саясат бөлүмүнүн эксперти, референти;

2012–2012-жылдар — Акыйкатчы аппаратынын жарандардын кайрылуулары менен иштөө жана документтик камсыздоо башкармалыгынын башкы адиси;

2010–2012-жылдар — Москва шаарында Кыргызстандыктарды коргоого жана колдоого көмөктөшүү борборунун аткаруучу директору