Түркиянын президенти Режеп Таййип Эрдоган менен Ливандын президенти Жозеф Аун эки тараптуу мамилелерди жана аймактык маселелерди талкуулашты. Бул тууралуу трт билдирди. 

Коммуникация башкармалыгынын билдирүүсүнө караганда, Эрдоган шейшемби күнү телефон аркылуу сүйлөшүүсүндө Түркия ар дайым Ливандын туруктуулугун жана эгемендигин жактаганын, эки өлкөнүн соода жана инвестиция жаатында чоң потенциалы бар экенин баса белгиледи.

Анкаранын Ливандын коопсуздугун колдой турган эл аралык механизмдерге катышууга ар дайым даяр экенин билдирген президент ошондой эле Түркия Ливандан кипрдик түрктөрдүн укуктарын жана кызыкчылыктарын урматтаган мамилени күткөнүн да айттты.

Аймактык окуяларга да токтолгон Эрдоган, Сириядагы негизги өзгөрүүлөр аймактын туруктуулугуна салым кошуусу үчүн Түркия колдоо көрсөтүүсүн уланта берерин маалымдады.

“Израилдин агрессивдүү мамилеси”

Билдирүүдө ошондой эле Эрдоган «Израилдин Ливанга карата агрессивдүү позициясын» четке какканы баса белгиленди.

Газадагы согуш учурунда бир жылдан ашык убакытка созулган кол салуулардан кийин Израиль менен Ливан 2024-жылдын ноябрында ок атышууну токтотуу келишимине жетишкен. Кол салуулардан 4000ден ашык адам каза болуп, 17000 адам жаракат алды.

Ок атышууну токтотуу келишимине ылайык, Израиль күчтөрү январь айында Түштүк Ливандан чыгып кетиши керек болчу, бирок бул чыгып кетүү жарым-жартылай гана болду. Израиль дагы деле беш чек ара бекетинде аскердик катышуусун сактап келет.