Армениянын премьер-министри Никол Пашинян туткундарды "бардыгын бардыгына" форматында алмашуу тизмеси Армения менен Азербайжандын ортосунда макулдашуу болгонун билдирди.

"Эң маанилүү тапшырма - туткундарды кайтарып берүү. Бул жерде бир аз жылыштар бар экендигин айткым келет. Чындыгында, "бардыгын бардыгына" деп алмашуу принциби", - деди Пашинян мекендештерге кайрылып жатып.

Анын айтымында, маселе Карабактагы эскалация учурунда жана ага чейин колго түшкөндөргө дагы тиешелүү.

Ал дагы бир көйгөй катары - дайынсыз жоголгондорду издөөнү атады.  Пашиняндын айтымында, 9-ноябрдан бери жаңжал чыккан аймактан каза болгон аскер кызматкерлеринин 600дөн ашуун сөөгү чыгарылды, 500 адамдын сөөгү идентификациялоо стадиясында.  Өкмөт башчы бул жоголгон мекендештерибиздин сөөгү болушу ыктымалдыгы жогору деди.

Булак: NazarNews.kg