Франциянын тышкы иштер министри Кэтрин Колонна Ереванга келип, Звартноц аэропортуна конду. Бул тууралуу министр X социалдык тармагындагы (мурдагы Twitter) баракчасында билдирди.

“Мен Арменияга биринчи сапарымдан 5 айдан кийин кайтып келдим. Достук, колдоо жана тилектештик”, - деп жазган Колонна.

Француз дипломатын Армениянын премьер-министри Никол Пашинян кабыл алат деп күтүлүүдө. Андан соң армян кесиптеши Арарат Мирзоян менен бирге Колонна Тоолуу Карабактан качкан армян качкындары менен жолугушат.

Колонна мурда Париждин Армениянын чек арадагы Сюник аймагында Франция консулдугун ачуу, ошондой эле Ереван менен коргонуу тармагында кызматташууну күчөтүү планын жарыялаган.

Министр Армениянын чек арасында европалык байкоочулардын миссиясы уланып жатканын эске салды. Ал ошондой эле Париж аймактагы окуялардын фонунда Тоолуу Карабак менен Арменияга быйылкы жардамды 5 миллион евродон 12 миллион еврого чейин көбөйтө турганын кошумчалады.

Буга чейин Колонна Арменияга 28-апрелде барган

19-сентябрда Азербайжандын Коргоо министрлиги аймактагы “ири масштабдуу провокацияларды” басуу, ошондой эле куралсыздануу жана аскерлердин бөлүктөрүн чыгарып кетүү максатында Тоолуу Карабакта жергиликтүү “антитеррордук операция” башталганын жарыялады. Армян армиясы 20-сентябрда Баку менен Карабак орус бейпилдик күчтөрүнүн жардамы менен ок атышууну токтотуу боюнча макулдашты. Келишимге ылайык Карабахтын куралдуу отряддары таркатылып, оор техникалары чыгарылып, өткөрүлүп берилди.

Булак: NazarNews.kg