www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Германиянын ички иштер министри Нэнси Фезер полиция Борбор Азия өлкөлөрүнөн барган жети кишини кармоо менен террордук актынын алдын алганын билдирди.
"Жети кишини камакка алуу менен коопсуздук органдары исламчыл терроризмге олуттуу сокку урууга жетишти. Муну ишке ашырган бийлик органдарына, биринчи кезекте биздин министрликке жана Федералдык Кылмыш полициясына, ошондой эле чечүүчү салым кошкон ички чалгындоо кызматына ыраазычылык билдирем", - деди Фезер.
Өткөн жумада Германиянын Башкы прокуратурасы Германия менен Нидерландда теракт уюштурууну көздөгөн жети борборазиялык кармалганын билдирген. Анда алардын бешөө тажик, бирөө кыргыз жана дагы бирөө түркмөн жарандары экени кабарланган. Маалыматта кармалгандар бири-бирин көптөн бери билгени, Германияга Украинадан согуш башталгандан көп өтпөй барганы жазылган.
Борборазиялыктар 2022-жылы террордук уюм түзүп, Германияда бутага алчу жерлерди караштырып, курал-жабдык табуу аракетин көрүп жүргөн деп шек саналууда. Прокуратура билдиргендей, кармалган маалда алардын кайсы бир жерге кол салуу боюнча так пландары болгон эмес.
Reuters агенттиги жазгандай, кармалгандардын арасында Аброржон аттуу кыргызстандыктан башкасынын баары 2022-жылдын апрелинен тарта "Ислам мамлекети" террордук уюму үчүн да акча чогултуп, бир нече ирет чет өлкөдөгү эсептерге каражат которууга да жетишкен.
Булак: NazarNews.kg
< Предыдущий
Следующий >
Последние новости
