Палестиналык ХАМАС кыймылы Израилде Газа тилкесинин жанында операция учурунда радикалдар жайкын тургундарга кол салып, жаш балдарды өлтүрдү деген маалыматты четке какты. Бул тууралуу радикалдык кыймылдын Telegram-каналында жарыяланган билдирүүдө айтылат.

"ХАМАС кыймылы кээ бир Батыш ЖМКлары тарабынан жасалган жалган айыптоолорду кескин түрдө четке кагат, алардын эң акыркысы балдардын өлтүрүлүшү, алардын башын кесип, карапайым тургундарга кол салуу болду" деп айтылат билдирүүдө. ХАМАС мындай айыптоолор "Израилдин согуш кылмыштарын жана Палестина элине каршы геноцидди жаап-жашырууга багытталган" деп эсептейт.

ХАМАС "Израилдин аскердик машинасына жана Израилдин бийликтери курган коопсуздук системасына каршы" гана аракет кылып жатканын белгилейт. Кыймыл Батыш маалымат каражаттарын "Газа тилкесинин тегерегиндеги акыркы окуяларды чагылдырууда объективдүү жана профессионалдуу болууга жана Израил режиминин идеологиясын сокур түрдө кабыл албоого" чакырды.

Буга чейин Израилдин Коргоо күчтөрүнүн басма сөз кызматы Кфар-Азага кол салган согушкерлер "үймө-үй кыдырып, уктоочу бөлмөлөрүндө ымыркайларды, энелерди жана аталарды өлтүрүшкөнүн" билдирген. I24 телеканалынын кабарчысы Николь Цедек израилдик жоокерлер курман болгондордун сөөгүн алып чыгып жатканда ойго келбеген, үрөй учурарлык көрүнүшкө туш болушуп жатканын билдирген. Ошол эле учурда ал аскерлердин "40 ымыркай менен жаш балдар каза болгон" деген божомолун айткан. Бул окуя жигердүү, анын ичинде Батыш маалымат каражаттары таркаткан.

Булак: NazarNews.kg