Японияда «омикрон» штаммын жуктурган биринчи учур катталды

Журналист: МЭЭРИМАЙ АЛЫБЕКОВА

30.11.2021, 21:22

25758

дүйнө жүзүндө

Японияда коронавирустун жаңы «омикрон» штаммын жуктурган биринчи учур катталды. Бул тууралуу РИА Новости жазды.

Белгилей кетсек, өткөн аптада ДССУ Түштүк Африкадагы Ботсвана өлкөсүндө коронавирустун B.1.1.529 аттуу жаңы штаммы катталганын, анда патоген клеткаларды жугузуучу S-белоктун 32 мутациясы бар экенин билдирген. Окумуштуулардын айтымында, SARS-CoV-2 геномундагы жаңы өзгөрүүлөрдүн көбү бул варианттын башкаларга жугуу жөндөмдүүлүгүн жана оорулуулардын, эмдөөдөн өткөндөрдүн коргоочу антителолоруна туруктуулугун көрсөтүп турат. Эксперттер B.1.1.529 адегенде иммунитети төмөн, ВИЧ менен ооруган адамда пайда болгонун айтышат.

Чет элдик маалымат каражаттары жазгандай, Түштүк Африкада бул дартка кабылган жүзгө жакын адам катталды. Гонконгдо, Израилде, Бельгияда, Чехияда, Германияда, Улуу Британияда, Италияда, Австралияда, ошондой эле Нидерландда жана Австрияда бир нече учур бар.

Булак: NazarNews.kg