2020-жылдын 3-майга карата жалпы республика боюнча коменданттык сааттын талаптарын жана эрежелерин эскертүүлөргө карабай бузгандыктары үчүн ички иштер органдарынын бөлүмдөрүнө 110 жаран жеткирилди. Бул тууралуу ИИМдин басма сөз кызматы билдирди.

Алардын ичинен: Бишкек шаары– 92, Ош шаары -9, Жалал-Абад шаары-3, Ат-Башы району-6. Жалпысынан алганда 25-марттан баштап бүгүнкү күнгө чейин өлкө аймагында 4165 жаран коменданттык саатты бузгандыктары үчүн милициянын кайгуул тобу менен кармалды.

Бардыгына коменданттык сааттын талаптары менен эрежелерин бузгандыктары боюнча түшүндүрүү иштери жүргүзүлүп, экинчи кайталанбоосу эскертилип, коменданттык сааттын аякташы менен койо берилди. 

Булак: NazarNews.kg