Улуттук илимдер академиясынын мурдагы кызматкери Жоомарт Карабаев Улуттук коопсуздук боюнча мамлекеттик комитеттин тергөөчүсү ага басым-кысым кылганын айтып, абактан кат жолдогон.

Карабаевдин жазган катын укук коргоочу Азиза Абдирасулова Фейсбуктагы баракчасына жарыялады.

Катта президенттен ага каршы куугунтуукту жана мыйзамсыз козголгон кылмыш ишин өз көзөмөлүнө алууну сураган.

Атайын кызмат катка байланыштуу комментарий бере элек.

Эске салсак, УКМК кызматкерлери Жоомарт Карабаевди 2-июлда кармаган. Ага Кылмыш-жаза кодексинин “Массалык башаламандыктар” беренеси менен айып коюлганы кабарланган.