Индия Кыргызстандан чыккан экологиялык таза айыл чарба азыктарына кызыкдар. Бул тууралуу Кыргызстандын Индиядагы элчиси Асеин Исаев билдирди.

Ал ЕАЭБ менен Индиянын соода-экономикалык кызматташуусунун келечеги жөнүндөгү конференцияга катышкан.

"Индия экологиялык таза продукцияга муктаж. Ал эми бизде бал, кургатылган жемиш, жер-жемиш сыяктуу таза азыктар арбын", — деди Исаев.

Бирок бул товарларды Индияга жеткирүүдө бажы коюмдары кымбат болгондуктан көйгөй жаралып жатканы айтылды. Дагы бир маселе  — бул логистика. Ошентсе да аталган мамлекет Кыргызстан менен Борбор Азиядан жашылча-жемиш алууга кызыкдар.

_{Бул макала NazarNews басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын уруксаты менен гана мүмкүн.}

Булак: NazarNews.kg