Индиянын Бихар штатында бир сутка ичинде чагылган түшүп, 20 адам каза болду. Бул тууралуу «Daily Mail» басылмасы жазды.

Катуу ысыктан улам чагылгандан каза болгондордун саны көбөйүп, көптөгөн адамдар салкындоо үчүн сыртка чыгып жатканы белгиленет.

Мамлекеттик министр Нитиш Кумар аймактын элин коопсуздук чараларын сактоого үндөдү. Ал ошондой эле кырсыктан каза болгондордун үй-бүлөлөрүнө 400 миң рупий (5 миң доллар) компенсация төлөнөрүн жарыялады.

Басылманын маалыматына караганда, жыл сайын миңдеген индиялыктар чагылгандын курмандыгы болушат. 2019-жылы чагылгандан 3000дей адам каза болгон. 2021-жылы Индиянын Уттар-Прадеш, Мадхья-Прадеш жана Ражастан штаттарында чагылган бир күндө 70 адамдын өмүрүн алган.

Буга чейин Пакистандагы катуу суу ташкынынан 300дөн ашуун адам каза болуп, жүздөгөн адамдар жабыркаганын кабарлаганбыз.

Булак: NazarNews.kg