Окуучу баштыкка салып мектепке алып келген күчүк эл сүймөнчүлүгүнө айланып, ага атайын туристтер да келе баштады.

«Күчүгүбүзгө бир нече миң доллар сунуштап, сатып алууну каалагандар да болууда. Бирок, биз, балам убада бергендей, досуна белекке бердик. Анткени менен, күчүктү издеп, көрөрмандар, итке жакын адамдар, ар кайсы улуттун өкүлдөрү, туристтер келип жатышат. Кыскача айтканда, күчүктүн бактысы ачылды», - деп «NazarNews» маалыматтык агенттигине баланын апасы билдирди.

Эскерте кетсек, социалдык тармактарда окуучу мектепке күчүгүн алып келгендиги үчүн тил укканы чуу жараткан. Ага Билим берүү жана илим министрлиги аралашып, мугалим элден кечирим сураган. Андан соң, окуучуга уюлдук телефон менен шайтан араба белекке беришкен.

Булак: NazarNews.kg