Кечээ, 7-июнда Бишкекте IV Эл аралык кинофестивалдын расмий ачылыш аземи болуп өттү.

Иш-чарага мамлекеттик жана маданий ишмерлер, чет өлкөлөрдөн келген кино өкүлдөрү, белгилүү актёрлор жана режиссёрлор катышты.

Фестивалдын ачылышына Кыргыз Республикасынын Министрлер Кабинетинин Төрагасы – Президенттин Администрациясынын жетекчиси  жана Кыргыз Республикасынын маданият, маалымат жана жаштар саясаты министри  катышып, конокторду жана катышуучуларды куттукташты.

Алар кино искусствосунун маданий байланыштарды чыңдоодогу жана эл аралык кызматташтыкты өнүктүрүүдөгү маанисин белгилешти.

Салтка айланган «Асман килем» көк килеми аркылуу фестивалдын ардактуу коноктору, белгилүү актёрлор, режиссёрлор, продюсерлер жана эл аралык калыстар тобунун өкүлдөрү өтүштү.

Бул жылы фестиваль дүйнөнүн ар кайсы өлкөлөрүнөн келген кино ишмерлерин чогултуп, Бишкекти кино өнөрүнүн борборуна айлантты.

Фестивалдын ардактуу конокторунун арасында француз актрисасы  жана Кыргыз Республикасынын Эл артисти  болду. Алардын катышуусу иш-чаранын эл аралык макамын дагы бекемдеди.

Фестивалдын алкагында Эл аралык сынак, Борбор Азия сынагы жана Kyrgyz Box улуттук программасы көрсөтүлөт. Ошондой эле көрүүчүлөр үчүн дүйнөлүк жана улуттук премьералар, белгилүү кино ишмерлери менен жолугушуулар, мастер-класстар жана тармактык иш-чаралар уюштурулат.

IV Бишкек эл аралык кинофестивалы 12-июнга чейин уланып, кино сүйүүчүлөрүнө бай жана кызыктуу программа сунуштайт.