КАЙРЫЛУУ: “Элдин үнүн угуңуз урматтуу президент!”

Журналист: NAZARNEWS

20.09.2019, 21:16

21243

коом

Президентке кайрылуу!

Урматтуу Сооронбай Шарипович, кыргыз элинин уулу Садыр Жапаровдун азыркы учурда адилетсиз соттордун чечими менен абакта жатканы баардык эле кыргыз элине белгилүү жана бул элдин жүрөгүн оорутуп турат.

Сиз шайлоо үгүттөрү жүрүп жатканда Кудай алдында ыйманыңыз таза экенин, эл сизди тандап шайласа тек адилеттүүлүктү бекем тутунаарыңызды баса белгилеп айтып жаттыңыз. Элге убада кылган ар бир убадаңызды кайталап айтуунун кажети жок деп ойлойбуз. Эми сизден ар бир кыргыз адилеттүүлүктү, көрөгөчтүктү, чечкиндүүлүктү, мээримдүүлүктү, кечиримдүүлүктү, чыныгы мекенчилдикти аба-суудай күтүп турган кези.

Садыр Жапаров ар дайым чындыкты туу туткан баардык жагдайга акылдуулук менен баа берген, ар бир ишти далили менен сүйлөгөн жана туура кадам жасаганга үндөп, үйрөткөн инсан.

Садыр Жапаров бейкүнөө олтурганын ар бир кыргыз билет.

Садыр Жапаровду Жогорку соттон актап алып чыгуу менен падышалык тактагы биринчи ийгилигиңиз болмок.

Бизге ишенип коюңуз!

Келечек үчүн, кыргыз үчүн кантип күйүп, кантип сүйүш керек экенин Садыр Жапаров жалпы кыргыз элинин астында жигитче көрсөтө алды. Биринчи ишиңизди көрөлү, эл күткөндөй болбосо, албетте кайрадан чындык үчүн күрөшүүдөн кайтпайбыз, жана келечек үчүн күрөшүүгө дайым даярбыз!

Элдин үнүн угуңуз урматтуу президент!

Жарандык активист Эльвира Аманова.

Булак: "NazarNews.kg"