Катуу шамалдын кесепетинен жабыркап Шаардык тез жардам клиникалык ооруканасынын кайра жандандыруу бөлүмүнө 2 адам түштү. Бул тууралуу мекеменин башкы дарыгери Алмаз Кубатбеков билдирди.

Анын айтымында ооруканага 3 адам кайрылган. Алардын бирөө амбулатордук дарылануу үчүн үйүнө жиберилген. Сокулук районунан келип түшкөн эркек кишинин сөөктөрү сынган. Шаардык 36 жаштагы келиндин бели сынган. Анын абалы орточо оор экени айтылды.

Буга чейин Бишкектеги тез жардам борборуна эки адам кайрылып, үстүнө чатыр түшкөн 14 жаштагы бала ооруканага жаткырылганы айтылган. Ал эми унаасына дарак кулаган 41 жаштагы аял Улуттук госпиталга жайгаштырылган.

Булак: NazarNews.kg