www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Казакстанда ири суу ташкындары башталгандан бери 99 869 адам, анын ичинде 36 591 бала эвакуацияланды.
Жалпысынан 2 960 адам, анын ичинде 935 бала суу каптаган аймактардан аба жолдору аркылуу куткарылды. Бул тууралуу Казакстандын Өзгөчө кырдаалдар министрлиги билдирди.
Убактылуу жайгаштыруу борборлорунда алты жарым миңден ашуун адам калууда, анын 3 197син балдар түзөт.
Акмоло, Актөбө, Атырау, Костанай, Түндүк Казакстан, Чыгыш Казакстан облустарында 3 563 жеке турак-жай жана 563 сарай сел алдында калууда.
Дагы ондогон жол, тогуз көпүрө көзөмөлдө. 66 калктуу конуш транспорттук байланышсыз калууда. Жергиликтүү аткаруу органдары калк менен байланышып, керектүү азык-түлүк жана дары-дармек запастарын топтошту.
Жабыркаган аймактарга миңдеген тонна гуманитардык жардам жеткирилди.
Бийлик калктуу конуштардын жана аймактардын суу каптоосун, автожолдордун жуулушун табигый кырсык катары сыпаттады. Казакстандын президенти Касым-Жомарт Токаев акыркы 80 жылда мындай масштабдагы суу ташкыны болбогонун билдирди. Ал 6-апрелдеги жарандарга кайрылуусунда жабырлануучулардын бардыгына материалдык жана башка зарыл жардамдар көрсөтүлүп, бардык материалдык чыгымдын орду толтуруларын билдирген.
Булак: NazarNews.kg
< Предыдущий
Следующий >
Последние новости
