Казакстандын бийлиги жаңы окуу жылынан тарта 1-класстын окуучулары үчүн бир эле учурда үч тилди үйрөнүүнү жокко чыгарды. Бул тууралуу билим берүү министри Асхат Аймагамбетов билдиргенин Интерфакс билдирди.

Анын айтымында, 1-класстан баштап балдар казак тилин гана үйрөнүшөт, анткени орус жана англис тилдерин үйрөнүү үчүн алгач эне тилинде окуганды жана жазганды үйрөнүшү керек. Ал белгилегендей, 1-класстын окуучулары үчүн бир эле учурда үч тилди үйрөнүү кыйын. «Экинчи класстан баштап орус тили өзүнчө сабак болуп, 3-класстан баштап бардык мектептерде англис тили окутула баштайт», - деди Аймагамбетов шейшембидеги өкмөттүн жыйынында.

Ошол эле учурда орус тилинде окуган биринчи жана экинчи класстын окуучуларынын программасында эки предмет калат - орус жана казак тилдери, ал эми окуучулар үчүнчү класстан тарта англис тилин үйрөнө башташат, деп Интерфакс Казакстандын Билим берүү министрлигинен кабарлашты.

Буга чейин Казакстанда мектеп окуучулары 1-класстан баштап үч тилди: орус, казак жана англис тилдерин үйрөнүп келишкен. 1-класстан баштап англис тилин үйрөнүү 2012-жылы пайда болгон.

Булак: NazarNews.kg