Орусиянын Ханты-Мансийск автономдук округундагы Нижневартовск шаарында көп кабаттуу үй жарылып, кеминде төрт адам өлдү. Бул тууралуу орусиялык басылмалар тиешелүү мамлекеттик кызматтарга таянуу менен кабарлады.

Жарылуудан улам имараттын бир бөлүгү кулап түшкөн. Урандылардын астында дагы кишилер калып, он чакты адам жабыр тартканы, бир нечеси оор абалда экени айтылды.

Баштапкы маалыматтарга ылайык, турак-жайда тиричилик техникасы үчүн коюлган газ жарылып кеткен. Ал үйдү оңдоо үчүн колдонулган болушу ыктымалдыгын "Интерфакс" агенттиги жазды.

Ханты-Мансийск автономдук округу Орусиянын Батыш Сибир чөлкөмүндө жайгашкан субъекти. Ал мунайды жана газды көп өндүргөн аймак болуп саналат.

Булак: NazarNews.kg