www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Кыргызстан менен Корея Республикасынын ортосунда эмгек миграциясы жаатындагы кызматташтыкты өнүктүрүүгө багытталган маанилүү документке кол коюлду.
2026-жылдын 17-сентябрында Кыргызстандын Эмгек, социалдык камсыздоо жана миграция министрлиги менен Корея Республикасынын Эмгек жана жумуштуулук министрлиги жумушка орношууга уруксат берүү системасынын (EPS) алкагында кыргызстандыктарды Кореяда жумушка орноштуруу боюнча өз ара түшүнүшүү жөнүндө меморандум түздү.
Документ Кыргызстандын жарандарынын Кореянын эмгек рыногуна мыйзамдуу, коопсуз жана иреттүү кирүүсү үчүн уюштуруучулук жана укуктук негиз түзөт.
Меморандумда жумушчуларды ачык-айкын тандоо жол-жоболору, анын ичинде корей тили боюнча EPS-TOPIK экзаменин тапшыруу талаптары каралган.
Ошондой эле эки өлкөнүн тиешелүү органдарынын миграциялык процесстерди жакшыртуу жана Кореяда иштеп жаткан кыргызстандыктардын укуктарын коргоо боюнча кызматташуусун күчөтүү белгиленген.
Министрликтин маалыматына ылайык, меморандумдун түзүлүшү кыргыз-корей өнөктөштүгүн бекемдөөгө жана Кыргызстандын жарандарына Кореяда мыйзамдуу эмгектенүү үчүн расмий мүмкүнчүлүктөрдү кеңейтүүгө багытталган.
< Предыдущий
Следующий >
Последние новости
