Кыргызстандын волейбол боюнча курама командасы эркектер арасында CAVA улуттук лигасында күмүш медалга ээ болду.

Маалым болгондой, турнир Чолпон-Ата шаарында өттү. Кыргызстан, Өзбекстан, Түркмөнстан, Иран, Монголия жана Непалдан келген командалар катышты. Ошондой эле Кыргызстандын жаштар курамасы жетинчи команда катары чыкты.

Жыйынтыгында, Кыргызстандын негизги командасы Иран командасына 1:3 эсебинде утулуп, экинчи орунду ээледи. 

Белгилей кетсек, бул турнирге Ирандын атынан жаш волейболчулар катышып, улуттук курама команданын жылдызы болгон оюнчулар болгон жок. Иранда волейбол укмуштуудай популярдуу болуп саналат.

Булак: NazarNews.kg