Америка Кошмо Штаттары такай башка өлкөлөрдү жалган маалымат тараткан деп айыптап, ошону менен бирге дезинформациянын негизги булагы бойдон калууда. Бул тууралуу Кытайдын Тышкы иштер министрлигинин расмий өкүлү Ван Вэнбинь брифингде билдирди.

"Кошмо Штаттар Кытай жөнүндө такай жалган маалымат таратып келет, Америка өкмөтү дүйнөлүк тарыхтагы эң чоң жалган маалымат булагы. Америка Кошмо Штаттары көп учурда башка өлкөлөрдү жалган маалымат тараткан деп айыптайт, ошол эле учурда дезинформациянын эң чоң булагы болуп саналат ", - деди Кытайдын Тышкы иштер министрлигинин өкүлү.

Ал ошондой эле Вашингтондун жалган маалыматы Кытайдын прогрессин токтото албайт деп кошумчалады.

Үстүбүздөгү жылдын февраль айында Ван Вэнбин АКШнын Борбордук чалгындоо башкармалыгынын директору Уильям Бернстин Кытайга каршы чалгындоо аракеттерин күчөтүү боюнча билдирүүсүнө комментарий берип жатып, Кытай америкалык тыңчылардын ишине каршы чыгып, алардын ийгиликке жетишине тоскоол болуп жатканын айткан.

Булак: NazarNews.kg