Кыргызстан менен Өзбекстандын мамлекеттик чек арасындагы «Кайтпас», «Өтүкчү» өткөрмө пункттарынан 1-апрелден тарта жарандар, транспорт каражаттары жана 20 орундуу кичи автобустар өткөрүлүп баштайт. Бул келишим тууралуу УКМКнын башчысы Камчыбек Ташиев бүгүн, 26-мартта Бишкектеги маалымат жыйында айтты.

К.Ташиев 24-25-мартта иш сапары менен Өзбекстанда болуп, чек араны делимитациялоо жана демаркациялоо маселелерине байланыштуу сүйлөшүүлөр жүргөн.

Ошондой эле эки тарап «Кара-Суу», «Бегабад», «Ынтымак», «Кең-Сай», «Сейдикум» көзөмөл-өткөрүү пункттарын калыбына келтирип, иретке келтирүү тууралуу макулдашты.

«Оңдоо иштерин өзбек тарап жүргүзөт. Себебин кийинчерээк айтам», - деди К.Ташиев.

Булак: NazarNews.kg