Жалпы журтум!  Жакындарым, жакшыларым жана жашынакай "жаман- жумандарым'!  Жалпыбызга Жаратканым Жаңы жылды жакындатууда. Жаркыраган жапжаңы жаңы жыл жалпыбызга жагымдуу жакшылыгын жалгасын. Жоодураган жүзүңүзгө жылмаюу жайнатсын.  Жалпы жердештериме, жоро- жолдошторума, жамы- журтума жана жакындарыма Жаратканым жомоктогу жакуттай жаркыраган, жайбаракат жашоону жалгасын! Жамандыкты жанына жолотпосун.

Жалпы жарандарыбыздын жашоосу жаркырап жогоруласын.

Жаңы жылда жыпар жыттуу жароокер жарларыбыз жагымдуу жакшылыктарды жарнамаласын. Жетим- жесирлерибизге жылуулук жылоолонуп, жыргал жашоого жетишсин. Жоогазындай жанга жагымдуу жадыраган жаштарыбыз

жагымсыз, жаман, жактарга жолобой, жакшылардын жанында жандап жүрүшсүн. Жашаган жериңизге Жаратканым жайдай жылуулукту жиберсин. Жарандарыбыз жакшы жашоодо жүзгө жете жашасын.

Жалаң жакшы жөрөлгөлөр жергебизде жайылсын. Журтумда жамандыктын жоктугунан журналистер жалаң жакшы жаңылыктарды жалпабызга жарыяласын. Жер жүзүндө жарандар жүрөктү жибиткен, жан жыргаткан жакшынакай жагымдуу жакшылыктарды жазышалы.  Жебедей желген желтаман желмогуздар жаныңды жабыркатып жакындабай, жарык жашооңду жалаң жакшылар жандасын.

Жемкорлор, жеп-жутарлар, жексурлар, жалкоолонуп жатып-жээрлер Жаннаттай жерибизге жолошпосун. Жылгаяктай жылмышып, жагалданып, жалган жерден жасакерленген жасалмалуу жаман жарандар жаныңызга жуутпасын. Жакшыларды жектеп, жолун жаап, жабыркатып, жок жерден жалаа жапкан жетеги жамандарды Жаратканым жазаласын.

Жергебиз жек-жаат, жоро-жолдошторду, жагынпоздорду жанына жабалактатып, жамы-журтка жакса-жакпаса жайлуу, жылуу жерлерге жармакташтырып жыйган жагымсыз жексурлардан жоюлсун. Жогору жактагы жамаатыбыз жасабаган жумуштарын жалган жерден жарандарга жарнамалабасын.

Жумурай журтубуздун жүрөгүн жебедей жабырткаткан жугуштуу "жараат" жолобосун.

Жаңы жылда  жөнөкөй, жароокер, жапакеч, жакшылыгы жанда жок жакшы жетекчи жергебизди жетектесин. Жашообузду жалаң жакшылыктар жылоолосун. Жаңы жылда жаңы-жаңы жетишкендиктерге жетеленели. Жалпыбыз жаңы жетекчинин жетегинде жогорку жеңиштерге жетишели! Журт желеги жогорулап, жалаң жакшылыкка желбиресин.

Жалпы журтубузду Жаратканым жалгасын!

Сиздерди терең урматтап, Сайпидин Султаналиев

Булак: NazarNews.kg