Кыргызстандын экономикасы Кумтөр кенин кошпогондо 2018-жылы 103,5 пайызды түздү же мурдагы жылга салыштырмалуу 5,1 пайызга өскөн. Бул тууралуу бүгүн, 13-ноябрда парламент жыйынында премьер-министр Мухаммедкалый Абылгазиев билдирди.

Өкмөт башчынын айтымында, бюджеттин кирешеси 135,5 миллиард сомду, чыгашасы 141,9 миллиард сомду түзгөн. 2018-жылы бюджеттин дефицити 1,2 пайызды түзгөн. Бул абдан жакшы көрсөткүч. Жалпысынан тартыштык 6,46 миллиард сом болуп, 2017-жылга салыштырганда 10,9 миллиард сомго же үч эсеге азайган. 2017-жылы дефицит 17 миллиард 377 миллион сом болгон. Учурда Жогорку Кеңеш 2018-жылы республикалык бюджеттин аткарылышы боюнча өкмөттүн отчётун угуп жатат.

Булак:NazarNews.kg