“Айрым өлкөлөрдүн мамлекеттик карызынын көбөйүшү менен байланышкан көйгөйлөр үчүн жоопкерчилик Кытайдын мойнунда эмес” деп билдирди КЭР Тышкы иштер министрлигинин расмий өкүлү Чжао Лицзян кезектеги ведомстволук пресс-брифингде.

Белгилей кетсек, дипломат Кытай экономикалык кыйынчылыктарды башынан кечирип жаткан өлкөлөрдүн карыз жүгүн азайтуу боюнча чараларды күчөтөрүн баса белгиледи.

“Бир нече мамлекеттин өтүнүчтөрүн эске алып, Пекин аларды төлөнө элек карыздарынан бошотууну чечти”, – деди жана ал Кытай коронавирус менен жабыркаган дүйнөнүн жакыр өлкөлөрү үчүн жылдын акырына чейин карыздарды төлөө боюнча төлөмдөрдү тоңдуруу боюнча G20 тарабынан көтөрүлгөн демилгени колдойт деп кошумчалады.

Булак: NazarNews.kg