Владивостокто 14 жаштагы мектеп окуучусун зордуктады деп шектелген 31 жаштагы жаран кармалды. Бул тууралуу РЕН ТВ маалымдады. 

Телеканалдын маалыматына ылайык, 21-октябрга караган түнү медициналык маска кийген шектүү адам жеке үйгө кирип, ал жерден бир нече буюмдарды уурдап кеткен. Чыгып бара жатып, ал үйдө жалгыз калган 14 жаштагы окуучу кызды сүзүп алган. Кыз жардамга чакырууга үлгүрбөй калган, анткени кол салган адам аны кармап, зордуктаган. Жабырлануучу окуя тууралуу апасы үйгө кайтып келгенде айтып берген. Эртеси кечинде ал киши үйгө кайрадан кайтып келген, бирок баланын ачууланган энеси аны босогодо тосуп алган. Ачуулуу эне эркек кишини балка менен сабап, маскасын жулуп, качып кетүүгө мажбур кылган. 

Шектүү качып кеткенден кийин эне дароо полиция менен байланышып, алар кызуу куугунтуктоодо шектүүнү кармоого жетишкен. Кармалган адам жергиликтүү селсаяк болуп чыкты. Учурда жашы жете элек кызды зордуктоо фактысы боюнча кылмыш иши козголду. 

Булак: NazarNews.kg