Абал курч! Лос-Анжелесте өзгөчө кырдаал режими киргизилди

www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg

Журналист: АЙСУЛУУ ТАЛАНТ

11.06.2025, 10:40

23677

дүйнө жүзүндө

АКШда миграциялык саясатка каршы нааразычылыктардын шартында Лос-Анжелесте өзгөчө кырдаал режими киргизилди. Бул тууралуу шаар мэри Карен Басс билдирди, деп кабарлады «Reuters».

Басс шаардын борбордук райондорунда коменданттык саат киргизилгенин да жарыялады. Коменданттык саат жергиликтүү убакыт боюнча 11-июнь саат 6:00гө чейин иштейт.

Лос-Анжелестин мэринин айтымында, чектөөлөр жакынкы күндөрү да уланышы мүмкүн.

АКШ президенти Дональд Трамптын миграциялык саясатына каршы нааразылык акциялары Лос-Анжелесте 6-июнда башталган. Алар унааларды өрттөө жана полиция менен кагылышуулар менен коштолгон. Трамптын Улуттук гвардиянын жоокерлерин Калифорнияга жөнөтүү чечиминен кийин штаттын губернатору Гэвин Ньюсом президентти сотко берерин билдирип, анын аракетин авторитаризмге карай биринчи кадам деп атады. Дональд Трамп болсо губернаторду камакка алууну колдой турганын айтып, аны башаламандык үчүн жооптуу деп атады.