Беларусиядагы жана башка кээ бир өлкөлөрдөгү кырдаал 2021-жылы Казакстанда боло турган парламенттик шайлоо оңой болбойт деп айтууга негиз берет, деп билдирди Беларуссиянын лидери Александр Лукашенко жума күнү ЕАЭБдин видео конференция форматында өтүп жаткан саммитинде.

"Биз оор 2020-жылды баштан кечирдик, 21-жыл да оңой болбойт. Казакстанда жыл парламенттик шайлоолор менен башталаарын билем. Биз сизге ... ушул саясий өнөктүктө ийгиликтерди каалайбыз. Оңой болбой тургандыгын Беларуссиянын жана башка өлкөлөрдүн мисалынан көрүп турасыздар.Ошондуктан биз сиздерге колдоо көрсөтүп, тынчсыздануу менен бирге туруктуу, кубаттуу жана гүлдөгөн Казакстанды түзүүдө ар тараптуу жардам берүүгө даярбыз",- деди Беларус президенти.

Булак: NazarNews.kg