www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
БУУнун Дүйнөлүк азык-түлүк программасына Нобелдин тынчтык сыйлыгы ыйгарылды. Кадыр-барктуу сыйлыкты ыйгаруу аземи коронавирус пандемиясына байланыштуу онлайн форматта өттү. Агенттиктин Римдеги кеңсесинде Нобелдин медалы тапшырылды.
Сыйлыкты алып жатып Дүйнөлүк азык-түлүк программасынын башчысы Дэвид Бизли Нобел комитетинин акыркы чечими дүйнөдөгү ачарчылык менен күрөштө «аракетке өтүүгө чакырык» деп атады. Ал учурда дүйнө жүзүндө 690 миллиондон ашык адам күн сайын ачка жатууга аргасыз экенин эске салып, сыйлык үчүн ыраазычылык билдирди.
Нобел тынчтык сыйлыгынын лауреаты болуп ачарчылыкка каршы күрөшү үчүн БУУнун Дүйнөлүк азык-түлүк программасы октябрда аныкталган. Анда Нобел комитети коронавирус пандемиясы ачарчылык коркунучуна кабылган миллиондогон адамдардын санын ого бетер көбөйткөнүн белгилеп, өлкөлөрдү Дүйнөлүк азык-түлүк программасына жана башка уюмдарга ал адамдарды тоюндуруш үчүн акчалай колдоо көргөзүүгө чакырды.
Белгилей кетсек, лауреатка 10 миллион швед кронасы же 1,1 миллион доллар берилет.
Эске салсак, буга чейин сыйлыкты швециялык экоактивист Грета Тунберг, орусиялык диссидент Алексей Навальный, Дүйнөлүк саламаттык сактоо уюму алышы мүмкүн деп болжолдонуп келди.
Бул арада быйылкы коронавирус пандемиясынан улам Нобел сыйлыгын тапшырууда өтүп келген банкет уюштурулган жок.
Булак: NazarNews.kg
< Предыдущий
Следующий >
Последние новости
