Бишкек шаарынын Биринчи Май райондук соту “Мадина” базарынын ээси Турсунтай Салимовдун абактагы мөөнөтүн 4-февралга чейин узартты. «Назарньюс» маалыматтык  порталынын билдиргенине караганда, анын бөгөт чарасы жакында каралган.

9-октябрда Салимовго “Уюшкан топко катышуу” деген айып тагылып, ошол эле күнү Бишкектин Биринчи Май райондук соту аны 4-декабрга чейин УКМКнын тергөө абагына камоого чечим чыгарган. 67 жаштагы Салимов Жогорку Кеңештин 5-чакырылышынын (2010-2015-жылдары) депутаты болгон. Бишкектеги “Мадина” базарын ал 1990-жылдардын башында түптөгөн.

Азизбек КЕЛДИБЕКОВ, NazarNews.kg