"Манас" эл аралык аэропорту" ААКтын баалуу кагаздары "А" категориясына которулду. Бул Кыргыз фондулук биржасынын расмий тизмесиндеги «В» категориясынын эң жогоркусу (эң жогоркудан кийинки) болуп саналат. Бул тууралуу аэропорттун басма сөз кызматынан билдиришти.

Баалуу кагазды "Манас" эл аралык аэропорту" ААК "А" категориясына өтүүсү Кыргыз фондулук биржасындагы ар кандай эң жогорку листинг талаптарына жооп береринен кабар берет.

Тактап айтканда, талаптар эмитент-компаниянын иштөө мөөнөтүнө, өздүк капиталдын көлөмүнө жана кирешелүүлүгүнө карата коюлат.

Былтыркы өткөн жылдын финансылык отчеттуулуктун аудити, отчеттук жыл үчүн же үч жылдын суммасы үчүн таза пайданын болушу жана КФБда баалуу кагаздардын маркет-мейкеринин болушу талап кылынат.

"А" категориясына өтүү "Манас" эл аралык аэропорту" ААК компаниясы КФБдын листингинин бир катар эң жогорку талаптарына жооп берери жөнүндө айтып турат. "А" категориясындагы баалуу кагаздар минималдуу тобокелдиктерге жана инвестициялык сапатка ээ.

"Манас" эл аралык аэропорту" ААК 2008-жылдын июль айынан бери КФБ листингине киргизилген жана бүгүнкү күндө Кыргызстандын ийгиликтүү жана динамикалуу өнүгүп жаткан компаниялардын бири болуп саналат, ал жарандардын ишенимине, өнөктөштөрдүн туруктуу бизнес кызыгуусуна ээ болгон, ата мекендик жана чет элдик инвесторлор үчүн ишенимин арттырат.

2023-жылдын 2-апрелине карата бир акциянын баасы 850 сомду түзсө, акыркы 3 жылда "Манас" эл аралык аэропорту" ААК акцияларынын баасы бир акцияга 311 сом болуп, дээрлик 2,7 эсеге өскөн.

Бүгүнкү күндө "А" категориясында мамлекеттик баалуу кагаздар гана бар жана "Манас" эл аралык аэропорту" ААК - бул листингдин эң жогорку категориясына өткөн биринчи компания.