Бишкектик келин жашы жете элек балдарын таштап, чет өлкөгө кеткени үчүн ата-энелик укугунан ажыратылды. Бул тууралуу шаардык прокуратурадан билдиришти.

Текшерүү учурунда балдар социалдык мекемеге жайгаштырылганы белгилүү болду. Балдардын энеси чет өлкөгө акча табуу үчүн кеткен.

«Тогуз ай бою эне балдарынын тагдырына кызыккан эмес. Соттун чечими менен ал ата-энелик укугунан ажыратылган. Мындай чара жалгыз бой ата-энесинин камкордугусуз калган балдардын укуктарын жана кызыкчылыктарын коргоо максатында көрүлдү», - деп айтылат маалыматта.

Булак: NazarNews.kg