Мындай маалыматты Эмгек жана социалдык өнүгүү министринин кеңешчиси Дайырбек Орунбеков "Фейсбуктагы" баракчасына жарыялап, министрдин графиги тууралуу маалымат берди. 

"Эмгек жана социалдык өнүгүү министри Улукбек Кочкоров – ар жуманын шейшемби күнү Министрликтин коомдук кабылдамасында жарандарды кабыл алат. Эл арасында социалдык маселелер боюнча министрге жолугууга кызыкдар жарандар арбын. Бирок алыс аймактагылар министрдин коомдук кабылдамасына келүүгө мүмкүнчүлүгү жетпейт. Ошого байланыштуу мындан ары министр Улукбек Кочкоров Респубилка боюнча жеринде райондук эмгек жана социалдык өнүгүү башкармалыктары аркылуу элдерди онлайн түрүндө кабыл алып, арыздарын угуп, аларга ыкчам жардам берүүнү максат кылууда. Төмөндөгү график боюнча жарандар райондук башкармалыктардын байланыш телефондору аркылуу алдын-ала кабылдамага жазылып, министр менен түз баарлашууга мүмкүнчүлүк алса болот. Ар жуманын жума күнү эки райондун жарандары менен онлайн баарлашат.

Ош шаары 6-сентябрь, саат 15:00 – 15:40 убактысында Ош шаардык эмгек жана социалдык өнүгүү башкармалыгынын имаратында. Дина Анарбаева Телефону: (03222)22538

Кара-Суу району 6-сентябрь, саат 15:50 – 16:30,  Куттубек Абдуллаев, телефону 0323250606",-дейт Орунбеков. 

Белгилей кетсек, министр У.Кочкоров буга чейин  социалдык байланыш тармагы аркылуу түз байланышка чыгып, элдин суроосуна жооп  берген жалгыз министр.

Булак: NazarNews.kg