НАТО Украинага Орусия менен сүйлөшүү шарттарын айтуудан баш тартып, ал Киевге эмнеге макул болушу керектигин айтпайт. Бул тууралуу Түндүк Атлантикалык альянстын башкы катчысы Йенс Столтенберг билдирди.

«Украиналыктар эмнени кабыл алышы керек, эмнени кабыл албаш керек экенин биз чечбешибиз керек. Биз аларга өзүн-өзү коргоо укугун ишке ашырууга жардам беришибиз керек”, - деп баса белгиледи Башкы катчы АКШ президенти Джо Байден менен болгон сүйлөшүүлөрдүн жыйынтыгында.

Ал украин бийликтерине ишенерин, алар оор чечимдерди өздөрү кабыл алышын белгиледи. Столтенберг кошумчалагандай, чыр-чатактар ​​ар дайым сүйлөшүү үстөлүндө аяктайт, бирок алардын жыйынтыгы "жерде" болуп жаткан окуялардан көз каранды.

Баш катчы НАТО украиндерге "бул жаңжалда эң жакшы жыйынтыкка жетишүүгө" жардам бериши керек деген бүтүмгө келген.

Белгилей кетсек, буга чейин АКШнын НАТОдогу туруктуу өкүлү Жулианна Смит Түндүк Атлантика альянсы Украинадагы жаңжалга кийлигишпөө позициясын мындан ары да карманууну пландап жатканын билдирген.

Эске салсак, Орусия Украинага каршы согушту 24-февралда баштаган. Путин анын максаты "сегиз жылдан бери Киев режиминин басмырлоосуна, геноцидине кабылып келгендерди коргоо" жана бул үчүн "Украинаны демилитаризация жана денацификация" жасап жана Донбасстагы "жай жашоочулардын канына забын болгондорду" аскер сотуна берип, жоопкерчиликке тартуу пландалып жатат, деп айткан.

Орусия - анын куралдуу күчтөрү аскерий соккуларды Украинанын аскердик инфраструктурасы менен күч түзүмдөрүнө уруп жаткандыгын, жай жарандарга багытталбагандыгын билдирет. Орусиянын колдоосу менен ДЭР жана ЛЭР топтору да өз аракеттерин улантууда. Путин - Украинаны оккупациялоо туурасында кеп жок экенин айтат.

Үч айдан ашкан согушта эки тараптан тең аскерлер жана жайкын тургундардан миңдеген курмандыктар катталды. 

Булак: NazarNews.kg