2026-жылдын 31-июль күнү 79 жаш курагында прокуратура органдарынын ардагери, көрүнүктүү мамлекеттик ишмер, Кыргыз Республикасынын Эмгек сиңирген юристи Конгантиев Камбаралы Ташболотович дүйнөдөн мезгилсиз өттү.

К.Т.Конгантиев, 1947-жылдын 1-январында Жалал-Абад областынын Майлы-Сай шаарында туулган. 1974-жылы Кыргыз Мамлекеттик Университетин юридикалык факультетин бүтүргөн.

1973-1976-ж.ж. Ысык-Көл областынын Пржевальск шаарынын прокуратурасында стажер-тергөөчү, тергөөчү;

1976-1979-ж.ж. Ысык-Көл областтык прокуратурасында улук тергөөчү;

1979-1983-ж.ж. Ысык-Көл областтык прокуратурасынын тергөө бөлүмүнүн башчысы;

1983-ж. Ысык-Көл областынын Пржевальск шаарынын прокурору;

1983-1984-ж.ж. Кыргыз ССРнин прокурорунун орун басары;

1985-ж. Токтогул районунун прокурору;

1985-1986-ж.ж. Тажик ССРнин Душанбе шаарынын прокуратурасынын тергөө бөлүмүнүн прокурору, прокурордун уюштуруу иштери жана аткарууну контролдоо боюнча улук жардамчысы;

1986-1988-ж.ж. Фрунзе шаарынын прокуратурасында прокурор криминалист;

1988-1989-ж.ж. Фрунзе шаарынын Биринчи май районунун прокурорунун орун басары;

1989-1992-ж.ж. Республикалык прокуратуранын тергөөнү жана алгачкы текшерүү иштерин көзөмөлдөө бөлүмүнүн башчысы;

1992-1994-ж.ж. Бишкек шаарынын прокурорунун орун басары;

1994-ж. Бишкек жаратылышты коргоо райондор аралык прокурорунун улук жардамчысы кызматтарында эмгектенген.

Андан соң, 1994-1995-ж.ж. Кыргыз Республикасынын Финансы министрлигине караштуу Мамлекеттик салык кызматында салык полициясы башкармалыгынын тергөө бөлүмүнүн башчысы;

1995-1997-ж.ж. Кыргыз Республикасынын Жогорку Кеңешинин Эл өкүлдөр жыйынынын мамлекеттик түзүлүш маселелери боюнча Комитетинде топтун жетекчиси;

1997-2005-ж.ж. Кыргыз Республикасынын Жогорку Кеңешинин Эл өкүлдөр жыйынынын Аппаратынын эксперттик-укуктук бөлүмүнүн башчысы;

2005-жылдын 1-апрелинен тартып Жогорку Кеңештин депутаты, Конституциялык мыйзамдар, мамлекеттик түзүлүш, мыйзамдуулук, сот-укуктук реформа жана адам укуктары, Жогорку Кеңештин ишин уюштуруу, Регламент жана депутаттык этика боюнча комитетинин төрагасы;

2005-2007-ж.ж. Кыргыз Республикасынын Башкы прокурору;

2008-2009-ж.ж. Кыргыз Республикасынын Президентинин Жогорку Кеңештеги ыйгарым укуктуу өкүлү;

2009-2010-ж.ж. Кыргыз Республикасынын Өкмөтүнүн Жогорку Кеңештеги туруктуу өкүлү кызматтарында иштеген.

Мамлекеттик кызматтын 2-класстагы кеңешчиси.

Өзүнүн көп жылдык үзүрлүү эмгеги жана кынтыксыз кызматы үчүн бир нече ирээт ведомстволук жана “Эмгектеги каармандыгы үчүн” медалы (1982), Кыргыз Республикасынын Ардак грамотасы (2003-ж.), I даражадагы “Улуу Петр” мамлекеттик ордени (Россия Федерациясы, 28-декабрь, 2006-жыл) “Кыргыз Республикасынын Эмгек сиңирген юристи (2009) мамлекеттик сыйлыктары менен сыйланган.

Кыргыз Республикасынын прокуратура органдарынын жалпы кызматкерлери маркумдун туугандарына жана жакындарына терең кайгыруу менен көңүл айтып, аза кайгысын тең бөлүштү.