www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Ош экологиялык прокуратурасы тарабынан Ноокат районунда кум-шагыл аралашмасын казуу иштеринин мыйзамдуулугу боюнча жүргүзүлгөн текшерүүдө, жер казынасын пайдалануучу тараптар карьерлерди техникалык долбоордо жана мамлекеттик экологиялык экспертизанын корутундусунда белгиленген 5 метр тереңдиктен ашыкча казышкандыгы аныкталган.
Алсак, жеке ишкер Ө.М. карьерди 9 метрге чейин тереңдетип, 13 100 м³, ал эми «ЖБИ М-А» ЖЧКсы 10 метрге чейин казып, 20 000 м³ кум-шагыл аралашмасын мыйзамсыз алышкан. Мыйзамсыз казылган кум-шагылдын жалпы көлөмү 33 100 м³, болжолдуу наркы 16 млн 750 миң сомду түзгөн. Мындан тышкары, мамлекетке 1 млн 489 миң 500 сом салыктык зыян келтирилип, жалпы зыян 18 млн 239 миң 500 сом деп эсептелди.
Ал эми, тиешелүү мамлекеттик органдардын жооптуу кызмат адамдары бул мыйзам бузуулар жөнүндө билип туруп, аларды токтотуу жана жер казынасын коргоо боюнча мыйзамда каралган чараларды көрбөстөн, жер казынасын пайдалануучулардын мыйзамсыз иштерин улантуусуна шарт түзүшкөн.
Бул фактылар боюнча Ош экологиялык прокуратурасы тарабынан Кылмыш-жаза кодексинин 337-беренеси (Кызмат абалын кыянаттык менен пайдалануу) менен кылмыш иши козголуп, учурда тергөө амалдары жүргүзүлүүдө.
< Предыдущий
Следующий >
Последние новости
