Орусия банкынын директорлор кеңеши 2022-жылдын 28-февралынан тарта жылдык негизги ченди 9,5 пайыздан 20 пайызга жогорулатуу чечимин кабыл алды. Бул маалымат банктын расмий сайтында жарыяланды.

Мындай чечимге Орусиянын экономикасына тышкы шарттардын тийгизген таасири себеп болгон.

«Бул финансылык туруктуулукту колдоого жана жарандардын каражатын коргоого жардам берет», - деп айтылат маалыматта. РБКнын маалыматына таянсак, 20% чен азыркы Россиянын тарыхындагы эң жогорку көрсөткүч болуп калды. Негизги чендин буга чейинки эң жогорку баасы — 17 пайыздык чен 2014-жылдын аягына, 2015-жылдын башына туура келген.

Булак: NazarNews.kg