www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Жогорку Кеңештин депутаттар тобу депутаттардын Этика кодексинин долбоорун иштеп чыгышты.
Документте парламент депутаты коомдун кызыкчылыгы үчүн гана иштеши керектиги жана мыйзамдуу негиздер болбосо, маалыматтарды коомчулуктан жашырбоого тийиш экени жазылган.
Депутат кесиптештеринин, кызмат адамдарынын жана жарандардын ар-намысын сыйлоого тийиш. Башка депутаттын ар-намысына жана кадыр-баркына шек келтире турган, кемсинтүүчү сөздөрдү айтууга жол берилбейт.
Эл өкүлү жалпыга маалымдоо каражаттарына маек бергенде кайсы бир адамдар боюнча теги, жынысы, расасы, улуту, тили, карманган дини тууралуу кемсинтүүчү пикирлерди айтпашы зарыл.
Депутаттардын этика кодексинин талаптарын сактоону Жогорку Кеңештин төрагасы жана Конституциялык мыйзамдар, мамлекеттик түзүлүш, сот-укук маселелери жана Жогорку Кеӊештин регламенти боюнча комитети көзөмөлдөйт.
VII чакырылыштын депутаттары 2021-жылы 29-декабрда ант берип, ишке киришкен. Жаңы Конституцияга ылайык, парламентке бир мандаттуу 36 округдан 36 депутат, партиялык тизме менен 54 эл өкүлү шайланган.
Буга чейин Жогорку Кеңештин депутаттарынын жүрүм-туруму, сүйлөгөн сөздөрү коомчулукта сынга кабылган учурлар болгон.
Булак: NazarNews.kg
< Предыдущий
Следующий >
Последние новости
